La Casa de Les Radios atópase na parroquia de Suares (Bimenes), ye un edificiu vanguardista asitiáu nuna redolada con vistes a la Sierra de Peñamayor.

Esta colección museográfica cuenta con más de 500 pieces, convirtiéndose nuna de les más importantes d’España. El percorríu entama de forma cronolóxica. La planta baxa dispón de dos sales d’esposición dotaes de paneles informativos al pie de los aparatos más antiguos y emblemáticos qu’espliquen la hestoria de la radio, más concretamente de la radiodifusión n’Asturies. Los aparatos espuestos avancen al traviés del tiempu hasta llegar a los más recién na planta cimera.