Asturies sabe a sidra. La bébora autóctono ye unu de los productos mas reconocibles dientro y fora de les nueses fronteres xuntu al verde de praos y montes. Pero hai requexos del paraísu qu’axunten toos ellos d’una forma única. El conceyu de Nava ta consideráu capital de la sidra autóctono. Tanto ye asina que lleva’l títulu de Villa de la Sidra. El conceyu esfruta d’una situación privilexada na zona centro-oriental d’Asturies. El so nome significa «tierra baxa y llana» y xeneralmente «ente montes». Y nun hai meyor definición.
[Interésate: Rede de senderos del Conceyu de Nava]
Les pumaraes conformen un paisaxe nel que la naturaleza ye l’auténtica protagonista. Un llugar únicu dientro del paraísu nel que sobresal el verde de les praderíes que visten el conceyu. Pa conocer tolos sos rincones, el conceyu cunta con un conxuntu de senderos de pequenu percorríu. Trátase d’una serie de siendes, caminos, caleyes y pistes al traviés de los cualos esquizar rincones máxicos nos que s’entemecen agües cristalines y montes de fayes y carbayos centenarios. Destaquen les rutes de les Foces del Ríu Pendón, el Picu La Mua y Les Praeres, una zona que se dio a conocer pola so inclusión nuna etapa de La Vuelta a España y onde los visitantes van poder atopase con ‘Bambi’, un venáu conocíu pola so participación na peliícula ‘Atrapaos’ que saluda a tol que s’avere pel llugar.

Vista de la mayada conocida como Les Praeres, na maxestosa sierra de Peñamayor.Naturaleza y hestoria danse la mano mui cerca de Fuensanta. El Palaciu de la Ferreira, declaráu Monumentu Históricu Artísticu, foi construyíu nel sieglu XIV polos Álvarez de les Asturies. Consta d’una torre de planta circular de cuatro pisos, comunicaos ente sí per escalera de cascoxu. Equí nació, según la lleenda, Doña Jimena, la muyer del Cid. Mui cerca d’esti puntu, la mesma familia mandó llevantar otru inmueble, el Palaciu de la Cogolla. Consta d’una sola planta de base cuadrada, con una torre asitiada na parte esquierda y rematada en forma d’almenes. La fachada principal ye del sieglu XVII y tien un ampliu balcón en forma de cubu nel que s’alternen arcos de mediu puntu y baldíos alquitranaos.

La sidra como marca

Unu de los momentos más esperaos cada branu nel conceyu ye’l Festival de la Sidra de Nava, fiesta declarada d’Interés Turísticu Nacional. A pesar de les actuales circunstancies sanitaries, va celebrase del 10 al 12 de xunetu. Un añu más va axuntar a los meyores escanciadores de la comunidá na plaza de Manuel Uría. Eso sí, con toles midíes sanitaries necesaries pa garantizar la seguridá de los participantes y los asistentes.
XLII Festival de la Sidra Natural de Nava
XLII Festival de la Sidra Natural de NavaY ye que Nava nun s’entendería ensin la sidra. Tanto ye asina que convirtieronla en marca turística. A imaxe y semeyanza de lo que fixeron dalgunes de les ciudaes más turístiques del mundu, la Villa de la Sidra cunta coles sos propies lletres a tamañu xigante pa que tol mundu pueda sacar semeyes con elles. El conocíu como ‘culetón de Nava’ ye un logotipu que lleva’l nome del conceyu y nel que la ‘v’ tien forma de culete de sidra.
La capital del conceyu alluga’l Muséu de la Sidra d’Asturies, un espaciu que tien como oxetivu dar a conocer y promocionar la bébora más asturiano. La colección realiza un percorríu completu al traviés del procesu d’ellaboración de la sidra, desque se recueyen les mazanes hasta que se sirve nos chigres. Les instalaciones tán afeches pa la visita de persones con cualquier grau de discapacidá y cunten con un área recreativa. Una visita obligada especialmente si viaxes en familia.
Museo de la Sidra de Asturias
Muséu de la Sidra d’Asturies.